HAUST
Þú
gamall
hokinn
stendur
undir
trjánum
með kúst í hendi
og
laufið fellur
á nýsópaða
stéttina
Festist
í hári þínu
Svif
HORFIROK Styð hönd undir kinn Halla höfði að rúðu sem svignar í roki STEINN Steinninn vakir Horfir út yfir hafið Fylgist með skipakomumLANDÓTTI Klettarnir opnuðust Þú gægðist inn Þorðir ekki að stíga skrefið Og hafið sýndi tennur sínar hárbeittar DAGAR Þú stendur við árbakka Gráleitir dagar synda hjá Stefna til rauðrar nætur VINDAR Búa vindar í brjósti þínu sem rís og hnígur við hverja hviðu SUMARNÓTT Sest á árbakka og við þig strýkst sem fingur ómandi þögn UNDIR Yfirborðið slétt og fellt sem spegill Það sem undir kraumar greinist ekki VATN Leggur net þín í vatn svo gruggugt að ekki sést til botns HLÝJA Tyllum okkur í mjúkt grasið Hlustum á niðinn er berst langt að Horfum í sólina Finnum geisla hennar bræða okkurFERÐÍ FELUM Földu sig í grænu rjóðri Biðu að þeir fyndust Angra okkur sem förum hjá öldum síðar RAKI Stígum af lestinni Finnum svalann frá ánni í loftinu og rakann á andlitunum Öndum léttar FLUGFERÐIR Tíminn floginn á vængjum sínum Eina ferðina einn Undarlegar þessar sífelldu flugferðir UM STUND Gott að komast burt Ímynda sér um stund að aldrei verði snúið til baka Ljúft að koma aftur HORFI FRAM Á VEG Reyni að sjá hvað leynist handan næstu bugðu Les sitthvað úr fölum andlitum þeirra er á móti koma HAUST Þú gamall hokinn stendur undir trjánum með kúst í hendi og laufið fellur á nýsópaða stéttina Festist í hári þínu HEIMKOMA Gengur um gamlar slóðir Dustar ryk Rifjar upp Og allt skýrist smátt og smátt Verður eins og áður: öðruvísiFLUGSTORMUR Svignar í stormi sem tré Reynir að halda höfði og gæla með augunum við fugla er fljúga hjá HÚMIÐ Sígum hægt löturhægt inn í húmið og í andlit okkar slást vængir DROPAR Gárast vatn Upp flýgur fugl Á væng hans dropar er uxu í augum þínum FUGLAR Uppi yfir trjánum hátt uppi í skýjunum flögra litlir fuglar Sex litlir fuglar sem ég þekki ekki HÁTT Stefnir hátt á vængjum sínum heimatilbúnum sem ekki bráðna í skini sólarHÖRUNDROÐI Í andlit þitt blása heitir vindar Í kinnarnar hleypur roði Þær lýsa í myrkrinu VAKNAÐ Hún vaknar Sér aðeins myrkrið í augum þínum þar sem þú stendur við höfðagaflinn VERA Birtist þér þétt mikil Dvelur hjá þér um stund Hverfur á ný GREIPAR Nýstigin spor rykfalla í kjölfar þitt Þú snýrð þér til veggjar Þrýstir blóðlitlum vörum þétt að Og greiparnar herða tak sitt Í HLAÐ Er þú renndir í hlað og sólin bakaði nakinn líkama þá mundi hann allt Allt MISSKILNINGUR Við sem héldum að nóttin hefði yfirgefið okkur já bara horfið á braut hrökkvum upp og finnum hana leika um okkur já næstum gæla við hörundiðÞÚLJÓS Lít í augu þín Sé úr þeim skína ljós Og undrast BROT Þú týnir upp spegilbrot Læsir ofan í skríni Gullslegnu KALDAR Í lófa varir Líflausar Kaldar Líkt og ævafornt gler MYRKT Allt myrkt Björtu hliðarnar horfnar Týndar í myrkrinu Mig sem langaði svo að skoða staðinnTÍMIHEILRÆÐI Ef þú veiðir augnablikið í vindhörpu þína eða fangar það í bilið milli fingranna reyndu þá ekki að halda í það TAK Þétt grípur hönd um andartakið Reynir að halda föstu Vængjaþytur fugls er flýgur hjá feykir því á brott Á TÚNI Stundin nemur staðar Tíminn hættir að líða Og ég stend á túninu miðju Horfi á eftir þér HERBERGI Opna dyrnar og tíminn stendur kyrr Andartak Líkt og hann gleymi að líðaÓTTISOFUM Sofum þar til himinninn myrkvast og stjörnurnar hrynja Sofum VÖKNUM Yfir okkur himnar Járngráir Líkt og þeir búist til árásar ÁRLA Vakna og horfist í augu við sólina glottandi LAUF Laufið svart að morgni Þú vefur blöðunum um fingur þér Áður en þú leggst til hinstu hvíluVÁSPÁSÖGN Yfir höfði þér flögra dúfur Kurra illa spá sem þú skeytir ekki um Hélst að krákur væru óheillafuglar Dúfur færðu happ RÚSTIR Rústirnar tendra elda í brjóstum þeirra er fara hjá Elda er brenna skært Eins og húsin forðum BÁL Slítum af okkur limina Vörpum þeim á bálið sem logar svo skært svo undurskært fyrir augum okkar FISKAR Leitum glóandi fiska er brenna hörundið við snertingu ÚR HAFI Grasið í augum mér og moldin á tungunni hverfa Líkt og úr hafinu komi hönd nemi á brott Í GARÐI Situr í garði Rökkrið þokast gráleitt nær og nær Handan þess myrkrið kolsvart Þá drunur í lofti og blóðrautt sár á rauðum himni Dreyri á dökknandi jörð SVIÐNIR AKRAR Tíndum glitrandi perlur á sviðnum ökrum Héldum þeim milli tveggja fingra Sáum í þeim borgir og blómlega akra Fundum heitan svörð undir iljum HINIR NÝKOMNU Hleypur til hinna nýkomnu Hyggst heilsa en hendur þeirra grónar fastar við skeftin SÁUM Er dagur rann litum við kringum okkur í skurðinum Sáum: bláan himinn fáein ský dökka veggi Lögðumst í fletin aftur LiggjumLOKGRUNUR Í sáru brjósti þínu vaknaði grunur sem ekki fékkst staðfestur áður en þú hvarfst SVÍÐUR Hold mitt nakið svíður undan svipuhöggum Þungum Stanslausum FJÖTRAR Hefta þig silfraðir fjötrar Naglar reknir í gegn og tungan þagnar GUÐIR Birtast á himni myrk andlit guðanna Glotta til þín sem stendur á veginum og horfir á skýin hella úr sér LÓFATAK Dynur á auðum leikvangi þungt taktfast lófatak sem varð eftir að leik loknum